«Балапан» телеарнасы ата-аналар арасында байқау жариялайды

Құрметті ата-аналар!

1 маусым – Халықаралық балаларды қорғау күніне санаулы ғана күндер қалды.

Осыған орай, «Балапан» телеарнасы ата-аналар арасында байқау жариялайды.

Шарты мынандай:

Балаңызды толық сипаттап, 1 минуттық видеоға түсіріңіз.

Ол видеоны #меніңбаламбалапаным хэштегін белгілеу арқылы өз парақшаңызда жариялаңыз.

Үздік видеолар «Балапан» телеарнасының эфирінен беріледі.

Айта кетейік, байқауға еліміздің барлық қала, ауылдарының  тұрғындары қатыса алады.

Ендеше, сәттілік тілейміз!