Қараша айында «Balapan» телеарнасы жылдың ең үздік үлесін көрсетті (5,6%). Ал қазақ тілді аудиторияда 8,6% (+41%) үлеспен бірден үш орынға, яғни 9-орыннан 6-орынға көтерілді.
«Balapan» телеарнасының YouTube арнасы жазылу динамикасы бойынша (подписка) барлық отандық телеарналар ішінде 1-орында.
YouTube арнадағы балаларға арналған қазақ тілінде контентті көруге аптасына кемі 10 мың адам жазылады. Тек биыл 11 айда «Balapan» YouTube арнасына 410 мың жаңа интернет қолданушы қосылды. Қазір YouTube арнаға барлығы 2 млн 280 мың адам жазылған.
Телеарна үлесінің артуына тиімді бағдарламалау мен жаңа контент өндірісі әсер еткен.
Айта кету керек, күзгі телевизиялық маусымда «Balapan» телеарнасынан «111 құтқарушылар тобы», «Ақжелкен», «Желаяқ», «Біл, бала!», «Тәтті балақай» сынды отандық анимациялар мен «Бізбен биле!», «Көңілді асхана», «Ағылшын әліппесі», «Менің мекенім», «Сен білесің бе?», «Арни» секілді бағдарламалары эфирге шықты.
Аталған жобалар аз уақыттың ішінде көрермен көзайымына айналды. Сондай-ақ күн сайын тікелей эфирде шығатын «Balapan live» жобасы ресми рейтингте жоғары нәтиже көрсетті.
Алдағы уақытта телеарнаның кішкентай көрермендерге арналған тосынсыйлары бар.
📺«Balapan» телеарнасы әр үйде қосулы болсын!
