Жобаның мақсаты - мектепке дейінгі және бастауыш мектеп оқушыларының арасында экологиялық мәдениет қалыптастыру, қоршаған ортаға мейіріммен қарап, таза ұстауға тәрбиелеу.
Әр серия басты кейіпкерлердің жасыл қоғам мен экология туралы танымдық ақпараттарымен басталады. Сонан соң тақырыпқа сай әртүрлі мағлұматтар айтылып, балалардың тіліне жатық, танымына түсінікті етіп, қызықты анимацияға толы сюжеттерімен беріледі. Жоба табиғат және адам, жануарлар әлемі, су, ауа, газ, қуат көзі – энергия, жасыл экономика сынды бағыттарды қамтиды.
