Хронометражы: 5 минут
Серия саны: 10
Жанры: шытырман оқиғалы, 3D анимация
Тілі: қазақ
Аудиториясы: -6
Алатаудың айналасын мекен еткен жылқылар көктем келіп өз бетімен жайылуды бастаған шақ. Олар енді ешқандай айдау-қайыруды білмейді. Қысты күні қары жұқа жазық даланы, шөбі көп қалың тоғайды, өзен бойындағы құрақты жерлерді мекендеген болса, енді жаз шығып қалың қарағай арасындағы алқаптар мен құйқадай жоталарды шарлап, сол маңдағы үлкен жайлауда өмір сүреді.
Жылқылардың арасында түрлі-түрлі тұлпарлар болады. Олардың ішіндегі ең асыл тұқымды, жорға жылқыдан қалған соңғы тұяқ – Дүлдүл. Дүлдүлдің достары да, дұшпандары да осы бір жайлауды мекен етеді. Жылқылардың жайлаудағы өмірлерінің әр күні қызық пен шытырман оқиғаларға толы болады. Дүлдүлге өш екінші үйірдің жылқылары да осы алқапты мекен етеді. Ол үйірдің басшысы – Найзағай. Сол үйірді тіпті иелері емес, Найзағайдың өзі бағады. Сондай-ақ бұл жерде жылқылардан да бөлек жануарлар мекендейді. Інінен ініне көшкен суыр, сәбізін алтындай сақтаған ақ қоян, Дүлдүлдің жанынан үнемі табылуға тырысатын сұр есек және тағы да басқа жабайы жануарлар. Ең қызығы иесіне бағынған жайлаудағы бұл жылқылардың адам көрмеген, ер салдырмаған жабайы жылқылармен де бетпе-бет келетін кезі болады.
«Ибатбекова А.К.» ЖК Ибатбекова А.К.
